വടകര: പൊലീസ് പരിശോധനയില് വടകര മടപ്പള്ളിയില് നിന്ന് സ്ഫോടക വസ്തുകള് പിടിച്ചെടുത്തു. പാനൂര് ബോംബ് സ്ഫോടനത്തിന്റെ പശ്ചാത്തലത്തില് നടത്തിയ പരിശോധനയിലാണ് വടകര മടപ്പള്ളിയില് നിന്ന് സ്ഫോടക വസ്തുക്കള് കണ്ടെടുത്തത്. മൂന്ന് കിലോ വെടിമരുന്ന് കണ്ടെടുത്തതായി പൊലീസ് പറഞ്ഞു.
സംഭവത്തില് രണ്ട് പേരെ പോലീസ് ചോദ്യം ചെയ്യുകയാണ്. കണ്ണൂര്, കോഴിക്കോട് ജില്ലകളിലെ അതിര്ത്തി പ്രദേശങ്ങളില് പൊലീസ്, ബോംബ് സ്ക്വാഡ് എന്നിവരുടെ നേതൃത്വത്തിലാണ് പരിശോധന നടത്തിയത്. പാനൂരില് നിര്മാണത്തിനിടെയായിരുന്നു ബോംബ് പൊട്ടിത്തെറിച്ച് ഒരാള് മരണപ്പെട്ടത്.
തുടര്ന്ന് പൊലീസ് പ്രദേശത്ത് നടത്തിയ പരിശോധനയില് കൂടുതല് സ്റ്റീല് ബോംബുകളടക്കം കണ്ടെത്തിയിരുന്നു. ഇതേതുടര്ന്നാണ് തിരഞ്ഞെടുപ്പിന്റെ പശ്ചാത്തലത്തില് കോഴിക്കോട് ജില്ലയുടെ അതിര്ത്തി പ്രദേശത്തും ബോംബ് സക്വാഡിന്റെ നേതൃത്വത്തില് പരിശോധന നടത്തിയത്.